“Манипост ББСБ” ХХК нь 2005 оны 10 дугаар сарын 01-ний өдөр “Одкон Холдинг” ХХК-ийн Ерөнхий захирлын шийдвэрээр “Одкон Тех” ХХК-ийн дэргэд захиргааны 4 ажилтны бүрэлдэхүүнтэйгээр үйл ажиллагаагаа эхлүүлсэн банк бус санхүүгийн байгууллага юм.
Тус байгууллага нь “Одкон Тех” ХХК болон 100 айлын барилгын материалын худалдаа эрхлэгч жижиг, дунд бизнес эрхлэгчдийг дэмжих, мөн “Одкон Холдинг” ХХК-ийн ажилтан, албан хаагчдын санхүүгийн хэрэгцээг хангах, санхүүгийн хүртээмжийг нэмэгдүүлэх зорилгоор анх байгуулагдсан.
Байгуулагдсан цагаасаа хойш бид харилцагчдынхаа хэрэгцээ шаардлагад нийцсэн санхүүгийн үйлчилгээг мэргэжлийн өндөр түвшинд, шуурхай, найдвартай хүргэхийг зорин ажиллаж ирсэн бөгөөд санхүүгийн үйлчилгээний тогтвортой, үлгэр жишээ тогтолцоог бүрдүүлэхэд анхааран үйл ажиллагаагаа тасралтгүй сайжруулсаар байна. Өнөөдөр бид 20 жилийн туршлага, тогтвортой үйл ажиллагаатай байгууллага болон хөгжжээ.
Манай байгууллага нь Монгол Улсын Иргэний хууль, Компанийн тухай хууль, Банк бус санхүүгийн үйл ажиллагааны тухай хууль болон холбогдох бусад хууль тогтоомжийг мөрдлөг болгон ажилладаг бөгөөд Санхүүгийн зохицуулах хорооноос олгосон тусгай зөвшөөрлийн хүрээнд зээлийн үйл ажиллагаа эрхэлж байна.
